Anta huch’uy suyupi (Qosqo, Perú) pacha mamapi sasachakuykuna paskanapaq, pisiyachinapaq, chinkachinapaq, proyectos educativos ambientales nisqakunaq yanapakuynin

Abstract

Pacha Mamanchisqa imaymana sasachakuykunawanmi ñak’arishan. Qonoqman t’ikrakuy nisqawan, unu mama pisiyaywan, qhellichaywan, ñawray kawsay chinkachiywan, samana wayra qhellichaywan, hinallataq capa de ozono nisqa thantayaywan, imaymanakunawan, Pacha Mamanchistam, wata watamanta manaña allin kawsay qonawananchisman chayachipushanku. Hinaqa runam kay sasachakuykuna ruraqqa riki, wakin k’irisqa k’itikunaqa manañam kawsarichiy, allinyachiy atiyñachu, imayna qokusqan chanin ruraymi kanan, utaq runakunap chanin yachayninwan Pacha Mama yupaychay kanan, mana Pacha Mamapi Yachay nisqallawan. Hinam kayqa, chanin llamk’ana kanqa, Pacha Mamap sasachakuyninkuna paskanapaq runakunap sullullchayninwan chanin yuyay, chanin ruray, allin ruray wakichinapaq, qhepapachaman manaña ima saschakuypas kananpaq hinaspapas, pachap imaymana qokusqan wiñaypaq allin kananpaq. Cheqapaqqa, Pacha Mamawan mana yachachikuyqa manam maypipas kanmanchu, willayniyoqkunaqa kallanpunim, chaykunawanmi yachachikuyqa chanin karin. Iskay ñeqe t’aqapitaq, yachay wasikunam aswanqa wakichisqa hunt’anapaqqa allin.